Les mots surlignés font l'objet d'une note
1Reçue à Montélimar, le 05 août 1573. Répondue le 06 août 1573.
2Monsieur de Gordes, j’ay entendu, tant par le sieur de Virieu, que ce
3qu’avez escript au roy monseigneur et frère, tout ce qui sest
4passé entre vous et le depputé de ceulx de la noblesse et autres
5de la nouvelle oppinion de Daulphiné, suyvant la requete qui vous
6a esté presentée de leur part et votre response sur icelle. Je croy
7que maintenant vous aurez communicqué ausdits de la nouvelle
8oppinion ledict de paciffication dont vous a esté envoyé coppye,
9vous asseurant que je serois très aise de scavoir quelle resolution
10il auront prise sur icelle avant qu’on vous renvoye ledict
11sieur de Virieu, pour le desir que j’ay d’entendre qu’ilz auront
12accepté les conditions portées et contenues en icellui, affin de
13veoir audit pays toutes choses bien remises comme elles sont
14ailleurs ; bien vous diray je que le roy, mondit seigneur et frère,
15ne veult et ne peult leur accorder davantage que ce
16qui est contenu audit edict pour le regard de la relligion,
17vous priant les exhorter de prendre et recepvoir lesdites conditions
18comme je m’asseure que vous aurez desia faict et
19suivrez au demeurant ce qui est porté par celle que
20le roy, mondit seigneur et frère, vous faict, à laquelle je
21n’adjousteray rien davantage, synon pour pryer Dieu, monsieur
22de Gordes, quil vous tienne en sa sainte garde. Escript
23à Paris, le XXIXe jour de juillet 1573.
24Votre bon amy
25Henry